· રાવળિયાવદરની સરકારી માધ્યમિક શાળામાં ભારતના ભુતપૂર્વ રાષ્ટ્રપતિ ડૉ.
સર્વપલ્લી રાધાકૃષ્ણનના જન્મદિન નિમિત્તે ૦૫ સપ્ટેમ્બરના રોજ સ્વયં શિક્ષક દિનની
ઉજવણી કરવામાં આવેલ.
· શાળામાં સ્વયં શિક્ષક દિનની ઉજવણીના ભાગરૂપે ધોરણ 9 અને 10ના કુલ 28 વિદ્યાર્થીઓએ ભાગ લીધેલ.
· દરેક વિદ્યાર્થી શિક્ષકોએ પોતાના પૂર્વ તૈયારી રૂપે પસંદિત વિષયો અને મુદ્દાઓ
દ્વારા શિક્ષકો દ્વારા તૈયાર કરાયેલ એક દિવસીય સમયપત્રક મુજબ પોત-પોતાના
શિક્ષણકાર્યનું રસપાન પોતાના સહપાઠીઓને કરાવવામાં આવેલ.
· શિક્ષક દિન નિમિત્તે ધોરણ-10 ની વિદ્યાર્થીની કુ. ભૂમિકાબેન રમેશભાઈ બારોટે
એક દિવસીય આચાર્યની અને કુ. નિકિતાબેન વિનોદભાઈ દેથળિયાએ સુપરવાઈઝરની કામગીરી
રૂપે પોતાના સહપાઠીઓનું શિક્ષણકાર્ય અને અન્ય વિદ્યાર્થીઓની ભાગીદારીનું
નિરીક્ષણકાર્ય કરી મૂલ્યાંકન પણ કરવામાં આવેલ.
· ધોરણ 9 માં કુલ 18 વિદ્યાર્થીઓ અને ધોરણ 10ના કુલ 10 વિદ્યાર્થીઓએ અલગ-અલગ વિષયો જેવાં કે
ગુજરાતી, ગણિત, વિજ્ઞાન, સામાજિક વિજ્ઞાન, અંગ્રેજી,
હિન્દી અને સંસ્કૃતમાં શિક્ષણકાર્ય કરેલ.
· શાળાના આચાર્યશ્રી કુરિયા સાહેબે અને શિક્ષકશ્રીઓ દ્વારા સમગ્ર
વિદ્યાર્થી-શિક્ષકોનું મૂલ્યાંકન કરી શ્રેષ્ઠ શિક્ષક બન્ને વર્ગમાં પસંદિત કરવામાં
આવેલ.
· આ ઉપરાંત એક દિવસીય શિક્ષક બનેલા વિદ્યાર્થીઓનું મૂલ્યાંકન શાળાના એક દિવસના આચાર્ય
કુ. ભૂમિકાબેન રમેશભાઈ બારોટ અને સુપરવાઈઝરશ્રી
કુ. નિકિતાબેન વિનોદભાઈ દેથળિયાએ કરેલ.
· કાર્યક્રમના અંતે સમાપન સમારોહ શાળાના પ્રાર્થના ખંડમાં આયોજિત કરવામાં આવેલ,જેમાં એક દિવસીય આચાર્યશ્રી, એક દિવસીય શૈક્ષણિક
કામગીરી નિભાવેલ એવા બન્ને ધોરણના શિક્ષકો વતી શિક્ષક પ્રતિનિધિઓ ધોરણ-9 માંથી અપેક્ષાબેન
ઉમેશભાઈ બારોટ તથા ધોરણ-10માંથી પ્રિન્સ સુરેશભાઈ રાઠોડે અને બન્ને
વર્ગમાંથી વિદ્યાર્થીઓ વતી ધોરણ-9માંથી પૂજાબેન મનુભાઈ અઘારાએ અને
ધોરણ-10માંથી ગઢવી અંજલી ભરતભાઈએ પોતપોતાના પ્રતિભાવો આપેલા.
· કાર્યક્રમના દિવસે બનેલા શિક્ષકો દ્વારા દિન-વિશેષનું મહત્વ દર્શાવતાં વક્તવ્યો
અઘારા હરદેવ ડુંગરભાઈ, રાઠોડ આકાશ મુકેશભાઈ અને દેથળિયા
પિન્ટુ ભલજીભાઈએ આપેલ.
· શાળાના એક દિવસીય આચાર્ય બનેલ કુ. ભૂમિકાબેન રમેશભાઈએ અને સુપરવાઈઝરશ્રી કુ. નિકિતાબેન
રમેશભાઈ દેથળિયાએ સમગ્ર દિવસ દરમિયાન કરેલ શિક્ષણકાર્ય અને વિદ્યાર્થીઓનો આભાર વ્યક્ત
કરેલ.
· સમગ્ર કાર્યક્રમ વિદ્યાર્થીઓની ભાગીદારી અને શિક્ષકોના સંચાલન અને
આચાર્યશ્રીના માર્ગદર્શન હેઠળ સપૂર્ણ સફળ થયેલ.
* * *
* *
