​🏆 કલા ઉત્સવ ૨૦૨૫: રાવળિયાવદર શાળાના છ વિદ્યાર્થીઓ ઝળક્યા! 🌟

​ગુજરાત શૈક્ષણિક સંશોધન અને તાલીમ પરિષદ (GCERT), ગાંધીનગર પ્રેરિત અને જિલ્લા શિક્ષણ અને તાલીમ ભવન, સુરેન્દ્રનગર આયોજિત કલા ઉત્સવ ૨૦૨૫ અંતર્ગત રાવળિયાવદર સરકારી માધ્યમિક શાળાના વિદ્યાર્થીઓએ શાનદાર પ્રદર્શન કર્યું છે. ​તા. ૨૨ નવેમ્બર, ૨૦૨૫ના રોજ શ્રી કે.એમ.એસ. હાઈસ્કુલ, મોટી માલવણ ખાતે સ્વામી વિવેકાનંદ શાળા વિકાસ સંકુલ દ્વારા આયોજિત QDC કક્ષાની સ્પર્ધાઓમાં શાળાના કુલ ૦૬ વિદ્યાર્થીઓએ દ્વિતીય અને તૃતીય ક્રમાંક મેળવી શાળા અને ગામનું ગૌરવ વધાર્યું છે. જેમાં માધ્યમિક વિભાગમાં બારોટ ધ્રુવિકાબેન વિનોદભાઈએ સંગીત ગાયન સ્પર્ધામાં દ્વિતીય ક્રમાંક, સંગીત વાદન સ્પર્ધામાં ચારોલા હાર્દિક વિરમભાઇએ તૃતીય ક્રમાંક તેમજ ઉચ્ચતર માધ્યમિક વિભાગમાં બાળકવિ સ્પર્ધામાં દેત્રોજા મોનિકાબેન પ્રતાપભાઇએ દ્વિતીય ક્રમાંક, સંગીત ગાયન સ્પર્ધામાં કલોતરા આયુષે દ્વિતીય ક્રમાંક, સંગીત વાદન સ્પર્ધામાં દેશાણી રવિદાસ કિશોરદાસે દ્વિતીય ક્રમાંક અને ચિત્ર સ્પર્ધામાં સારલા સુજલ પ્રવીણભાઈએ તૃતીય ક્રમાંક મેળવેલ છે. આ ભવ્ય સફળતા બદલ શાળા પરિવાર તમામ વિજેતા વિદ્યાર્થીઓને હૃદયપૂર્વક અભિનંદન પાઠવે છે. સાથોસાથ, વિદ્યાર્થીઓને માર્ગદર્શન આપી સ્પર્ધા માટે તૈયાર કરનાર અને કાર્યક્રમમાં મદદરૂપ થનાર શિક્ષકમિત્રો શ્રી ગૌતમભાઈ કે. રાઠોડ અને સુશ્રી દિપ્તીબેન એ. ગોહિલનો પણ શાળા આભાર વ્યક્ત કરે છે. વિદ્યાર્થીઓ ભવિષ્યમાં પણ આવી સિદ્ધિઓ પ્રાપ્ત કરે તેવી શુભેચ્છાઓ.